（散頭角一村屋）
早上，老婆告誡老公說: 「老公，小心！我發現睡房內有一隻蚊！不過，可放牠一馬，牠昨晚冇針我。」
老公：「唔係冇針你，係針你唔到！你成晚郁來郁去，佢根本降落唔到！」
老婆：「喂！…咁咪針你咯！你訓得咁乖！」
老公：「點針啫？佢當其時眼都花埋！隻蚊重話呀！未見過一條跑道郁成咁，無辦法降落！」
「哈哈哈…呢個沙（嬲）豬！」天庭內傳來王母娘娘的笑聲，原來天宮上面，科技亦大躍進，有巨型水晶球ＴＶ，王母娘娘選了［真人真事］台，繼續追看。
（上環永裕樓）
小臻臻：「媽媽，你可唔可以幫我做功課？」
臻媽：「點解？」
小臻臻：「因為我喺學校已經寫咗好多隻字，隻手好痛！」
臻媽：「好痛重攞住個球拍喺到玩？！球拍重過枝筆啦！」
小臻臻：「媽媽你唔知道，呢啲係小朋友運動，做多啲，手先健康，先會唔痛！」
臻媽：「喂！功課喺小朋友自己做架！」
＊＊＊
原來，天庭上，今早有件咁嘅事：－
王母娘娘召見臻仙子說：「你善良之心，聞名天宮，娘娘今賞你一個願望，要什麼？」
臻仙子：「我老友沙（嬲）豬已獲獎下凡，報夢我凡間好好玩，我想...」話未說畢，王母娘娘正揮法讓仙子如願。
臻仙子屈指一算道：「且慢！娘娘，沙（嬲）豬前幾天已下凡，天上一日，人間十年，我這下去，他已四五十歲，要如何認他呢？」。
娘娘笑說：「放心！你們的腦袋都來自同一生產商——快樂豬仙廠，你定必找到！」
臻仙子仍猶豫著：「咁...我們相差幾十年，如何溝通？」
娘娘沉思片刻：「係喎！...咁啦！我將你腦袋嘅轉數調快一格吧！Good luck!臻臻！」
http://youtu.be/Djjjb_BhH24
http://youtu.be/kfp5_5rvSRc
